Drivkraft lyser ut 2,5 millionar i stipend til nye vekstidéar
Ny runde: 2,5 millionar kroner i idéstipend til næringslivet i Sogn og Fjordane, no også med skreddarsydd rådgiving gjennom Drivkraft Boost.
To stipend – to ulike behov
Stipendordningane skal bidra til at Sogn og Fjordane er ein attraktiv, mangfaldig og levedyktig stad å bu og leve i framtida. Målet er å gjere det mogleg for fleire gode idéar til å spire fram, og fleire bedrifter kraft til å vekse og ta neste steg.
Drivkraft lyser hausten 2026 ut to stipendordningar med samla ramme på 2,5 millionar kroner, og søknadsfristen er 18.desember 2026.
1. Drivkraftstipendet
- Samla ramme 2 millionar kroner. Kvart stipend kan vere på inntil 500 000 kroner. Juryen avgjer kor mange stipend som blir delte ut innanfor ramma
- For bedrifter med særleg lovande vekst- og omstillingsprosjekt
Kven kan søke?
- Nystarta bedrifter med vekstpotensial
- Etablerte bedrifter med planar om nye satsingar eller knoppskyting
- Bedrifta må ha klar tilknyting til Sogn og Fjordane
Drivkraftstipendet skal bidra til å realisere prosjekt som kan gi:
- Ny verdiskaping
- Nye marknader
- Teknologiske eller kompetansemessige løft
- Positive ringverknader i regionen
2. Spirestipendet
- Samla ramme 500.000 kroner. Fem stipend á 100.000 kroner.
- For unge gründerar og nye idéar i tidleg fase
Kven kan søke?
- Personar under 30 år med gründeridé
- Nystarta bedrifter leia av personar under 30 år, registrert for mindre enn tre år sidan ved søknadsfristen
- Tilknytt til Sogn og Fjordane
Spirestipendet skal bidra til å:
- Senke terskelen for å satse, og rekruttere fleire unge inn i framtidas næringsliv i Sogn og Fjordane
Kva kan midlane brukast til?
Stipenda skal støtte konkrete utviklingsaktivitetar, til dømes:
- Testing og pilotering av idéar
- Produkt- og tenesteutvikling
- Kompetanseheving
- Nettverksbygging
- Førebuing til vidare vekst
Andre runde
Dette er andre utlysing av Drivkraftstipendet og Spirestipendet. Første runde våren 2026 fekk 152 søknader, og ni stipend på til saman 2 millionar kroner blei delte ut. Basert på erfaringane har vi auka potten til 2,5 millionar, forlenga søknadstida og lagt til Drivkraft Boost: inntil ti timar rådgiving til alle som får Drivkraftstipend og eit utval andre søkarar.